Det begynner å bli hard konkurranse i helteskytarsjangeren, og søndag kveld viste Xbox fram nok ein konkurrent.
Fragpunk er eit komande fem-mot-fem-skytespel, men med ein liten tvist.
Kvar runde vel du eitt av tre kort, som du kan bruke for å gi deg ein fordel i runden. Traileren viser fram kort der du til dømes gjer meir skade på nært hald eller der fiendane dine får større hovud.
Spelet er venta på Xbox og PC i 2025.
Fragpunk blir gratis å spele, og blir utvikla av Bad Guitar Studios.
Det blir ti ulike heltar å velje mellom ved lansering, melder Gematsu.
