CES er årets største elektronikkmesse, og nyheitene frå messa kjem som perler på ei snor.
Måndag lanserte AMD den nye Z2-arkitekturen. Her kjem det tre nye brikkar.
Brikkane er såkalla APU-ar, Accelerated Processing Unit, som har både ei skjermeining og ein prosessor.
Ryzen Z2 kjem med ein åtte-kjerna prosessor (Zen 4) og ei Radeon 780M-skjermeining (RDNA 3).
Ryzen Z2 Go har ein prosessor med fire kjernar basert på Zen 3, og får ei Radeon 680M-skjermeining (RDNA 2).
Ryzen Z2 Extreme har ein åttekjerna prosessor med både Zen 5 og Zen 5+-kjernar, og brukar Radeon 890M som skjermeining (RDNA 3,5).
Første generasjon av Z1-arkitekturen er brukt i Asus Rog Ally og liknande handkonsollar.
AMD sa først at også Valve vil bruke ein av dei nye Ryzen-brikkane, men Valve har gått ut og avkrefta dette.
Z2-serien er laga spesifikt for handkonsollar. AMD stadfestar at både Lenovo og Asus kjem til å bruke brikkane i framtida.
Brikkane kjem i løpet av første kvartal i år.
AMD er venta å vise fram nye skjermkort utpå morgondagen igjen, mens Nvidia har sin konferanse i natt.
Me kjem tilbake med nyheiter om konferansen i morgon ettermiddag.
