Førre veke drog Asus, HP og LG sløret av det som kan bli marknadens mest heftige gamingskjermar.
Asus PG32UCDP, HP Omen Transcend og LG 32GS95UE byr alle tre på OLED-panel med moglegheit for å spele i 1920x1080 med ein oppdateringsfrekvens på 480 hertz, saman med støtte for 240 hertz i 4K.
Skjermane ser ut til å dele same panel, og skal få ein lysstyrke på 1000 nits. Dei er alle saman 32 tommar.
Det mest interessante, prisnivået, seier pressemeldingane ingenting om. Ny skjermteknologi pleier å dale i pris ganske kjapt, men kjem ofte til blodpris når det først gjer debut på marknaden.
Produsentane kjem sannsynlegvis med fleire detaljar på elektronikkmessa CES i januar.
