Dirtybit AS, utviklarselskapet bak Fun Run-spela, måtte nedbemanne i haust.
Seks personar måtte forlate selskapet.
Dirtybit lanserte det førre spelet sitt i 2023, og har hatt solid økonomi med betydelege overskott gjennom fleire år.
Ifølgje årsrekneskapen var det 20 årsverk hos Dirtybit i 2023.
Dagleg leiar Erlend Børslid Haugsdal bad om å få svare på e-post, og skriv at dei har gjort kutta for å tilpasse seg marknaden.
Dei har vektlagt å redusere kostnadar og "reindyrke" satsinga rundt Fun Run 4.
– Det er alltid krevjande å nedbemanne gode kollegaer og dyktige folk, men det er krevjande tider i spelbransjen. Det var heilt nødvendig å gjere nokre justeringar for å skape sunnare drift, skriv Haugsdal.
Dirtybit har gjennomført nokre studiar for å forstå kven brukarane deira er og korleis dei speler Fun Run-spela.
– Me fokuserer no først og fremst på brukarvekst i dei store marknadane.
Gamer.no kjenner til at tilsette fekk tilbod om sluttpakke. Haugsdal svarar ikkje på spørsmål rundt dette eller kva rekneskapstala for 2024 vil vise.
Har du tips til denne saka eller andre ting som skjer i norsk spelbransje? Send meg gjerne ein mail på mikkjell@gamer.no
