Valve skriv på Twitter at ein ny driver for siste generasjon av AMD-skjermkort kan gi deg VAC-ban.
AMD har implementert ein funksjon til Counter-Strike 2 for å redusere forseinking, AntiLag+, som visstnok tullar med eit kodebibliotek i spelet.
Valve åtvarar mot å skru på funksjonen.
- Når AMD kjem ut med ei oppdatering, kan me jobbe med å finne ut kven som er ramma av feilen og reversere utestenginga deira, skriv Valve.
AntiLag+ skal i utgangspunktet fungere på same måte som Nvidia Reflex, som allereie har støtte i spelet.
Det er uklart om feilen gjeld andre spel som brukar VAC. AMD har førebels ikkje kommentert saka.
